Thuchihbu 2:8-18

⁸Midih ho lampi avetsuipeh in, Amaa kitah ho avengbit jing e.

⁹Chuteng nang in adih le thudihchu nahin hetdoh ding, chulelamdih’a chejidan nahin kimu doh ding ahi.

¹⁰Ajeh chu nalung sunga chihnahunglut ding, chule hetna lhingsetnahin nei ding, hichun nakipa sahding ahi.

¹¹Hetkhan them chihna chunnahin venbit ding, hetthemna chunnahoibit ding ahi.

¹²Chihna chun aphalou lampiakon navenbit jing ding, miphalou lemilhem chavei hoa kon nahuhdohding ahi.

¹³Hitobang miho chu lamdih’akon lamvaija, muthim-lamdih lou ajot diu ahi.

¹⁴Amaho thil dihlou jeng bol dingathanom un, chule thil phalou jengakiman chah athanop piuvin ahi.

¹⁵Amahon atohdoh jouseu aphaloungan ahin, chule achonnau lamlhahjouse damun jeng ahi.

¹⁶Chihna hin numei phalou akonnahoidoh sah ding, joulhep tothoatuhchah ding nagot uva kon, nahoidoh thei ding ahi.

¹⁷Hitobang numei hin ajipaadalhah’a chule Pathen hengaakitepna jong aheimil ahitai.

¹⁸Hiche numeinu hin insunga lutchun thina chan alhut ahin, alamlhahna jouse jong damun lam jengahi.