Tinata Valavalar 12:18-28

¹⁸Nina i lulut kana tinata i varvakinkin da ra pakat na vinarubu, Ma ra karamea i ra tena kabinana i varvalagar.

¹⁹A ngia i dovot na tur pa na mutu, Ma ra karameme ba i vaongo i panie lulut.

²⁰A vavagu i ki ta ra bala i diat dia varpit upi ra kaina, Ma diat dia tata rangup upi ra malmal dia gugu.

²¹Pa ta kaina magit na tadav ra tena takodo, Ma ga ra tena varpiam na tup ia.

²²A Luluai i milikuane ra ngia i vaongo, Ma ga diat dia pait ra dovotina i manga gugu ta diat.

²³A tutana i minana i ive kana kabinana, Ma ga ra nuknuk i ra umana papaua i varvarvai ta ra magit na papaua.

²⁴A lima i ra tena ongor na vatur vake ra varkurai, Ma ga ra tabauma na ki na vilavilau.

²⁵A nginarao i vuna ba i mamat ra nuknuk i ra tutana, Ma ra bo na tinata i vagugu ia.

²⁶A tena takodo i rap bulu talaina, Ma ga ra mangamangana kai ra tena varpiam i varara diat.

²⁷A tabauma pa i rove pa ta magit, Ma ga ra tena ongor na vatur vake ra ngatngat na tabarikik.

²⁸Da na tadav ra nilaun ta ra nga na mangamangana takodo, Ma ra minat pa i tur ta kana pal a nga.