AONEGA HEREVADIA 12:18-28

¹⁸Ia hereva haraga tauna ena hereva, be tuari kaia ia gwadaia noho bamona, to aonega tauna ena hereva ese, taunimanima idia hamauria diba.

¹⁹Hereva koikoi be nega sisina sibona do idia abia dae, to hereva momokani be do idia noho, ela bona hanaihanai.

²⁰Kara dika karaia dala idia tahua taudia, edia kudoudia be mai koikoi danu, to kara namodia karaia dala idia tahua taudia ese, moale bada do idia davaria.

²¹Kara maoromaoro taudia dekenai dika ia vara noho lasi, to kara dika taudia be idia hekwakwanai momo noho.

²²Lohiabada ese hereva koikoi taudia ia badu henia noho, to idia kara momokani noho taudia dekenai, Lohiabada ia moale noho.

²³Aonega taudia ese edia diba idia hunia noho, to kavakava taudia ese, edia kavakava idia gwauraia hedinarai noho.

²⁴Bema oi gaukara auka neganai, siahu bona goada do oi davaria, to oi lahedo neganai, hesiai tauna mai guia danu do oi lao.

²⁵Laloa metau ese oiemu moale do ia koua, to hereva namodia ese oi idia hamoalea diba.

²⁶Kara maoromaoro tauna ese, iena turana be dala maoromaorona dekenai ia hakaua noho, to kara dika tauna ese, iena turana ia hakaua kerere noho.

²⁷Bema oi lahedo neganai, oiemu ura gauna do oi davaria lasi, to bema oi gaukara auka neganai, kohu momo namo herea do oi davaria.

²⁸Kara maoromaoro ena dala, be mauri dekenai ia lao noho, to kara kerere ena dala, be mase dekenai ia lao noho.