Erubasa 12:18-28

¹⁸Is kenà binentayan he kegkaǥi, iring te lembitan su ebpekepalì te ǥehinawa, iyan, is menge lalag he mibpurungan is-isipa ne ebpekevey te keupiyaanan.

¹⁹Is menge lalag he tutuu kenà egkaawà te wazà pidtemanan, iyan, is lalag he tarù meǥaan dà egkahanew.

²⁰Limbung is egketaǥù diyà te ǥehinawa te etew he iyan ed-isipen din is kebaal te mezaat, iyan, kelipey mulà is egketaǥù diyà te ǥehinawa te etew he ebpen-ahà te melinew he kebpekesavuk.

²¹Wazà ebpekekaid te etew he metazeng, iyan, samuk mulà is egkeperateng te menge etew he mezaat is menge ulaula zan.

²²Egkeepesan te Nengazen is teruen, piru igkelipey zin mulà is kenà menge teruen.

²³Kenà ebpehivantug is etew he uluwanen mehitenged te netuenan din, piru is menge tulebung, ibpezalig dan mulà is tinulebung he menge vaal zan.

²⁴Is etew he meǥied egkehimu he pengulu, iyan, is etew he peǥulen, egkehimu zà mulà he uripen.

²⁵Is kegkeipeng ne ebpekeveǥey te seeng, iyan, is meupiya he lalag, ebpekeveǥey te kelipey.

²⁶Is metazeng he etew ebpekegiya te emiǥu zin, piru ebpeketazin mulà is lalung he etew.

²⁷Is peǥulen he etew, kenè din egkekuwa is egkesuatan din, iyan, edsepian mulà is etew he meǥied.

²⁸Emun ebpengungubpaan ka he metazeng, pedayun ka he ed-ubpà wey egkelibri ka te kemetayen.