Taha Bapare Sâcmutâc 9:10-19

¹⁰Sâqocne tâtâmire tahare wokemaŋ â râpe hândâŋ erâ bugâpâcte qârurune i ine Mose mutâcnecnewec irec sâcko alatao râeme ʒawec.

¹¹Biucne â sahacne ine hae râpeo ʒocko rikewec.

¹²Aroŋ e iŋuc erâ qowi tahare biŋe qâhâmowec; ehame ŋokâfâcne jaŋe soc râcnepie alata râreckehuc tie rawec.

¹³Eme jaŋe qowi bâzi i dâkâne dâkâne erâ qizecne wâc râcnepie alata faio râeme ʒawec.

¹⁴Ehame hobune â kikene opâzi ʒurerâ qowi bâzihec mâmâc alata faio râeme ʒawec.

¹⁵Ʒafâreme ŋic ŋokac jaŋere taha ʒiŋuc râewec: E qanaŋ e jahacne biŋe sâqocne tâtâmire taha râewec irec sâc jaha ehuc noniŋ ŋicne rorâ ŋic ŋokac jaŋere biŋe sâqocne tâtâmire taha rikewec.

¹⁶Erâ mumutâc‐ticne fowec irec sâcko qowi bâzi rikewec wâc.

¹⁷Erâ taha bâzi mâmâc râewec, ehuc me fufusuc jaha alata faio furictere qowi rikewec ijaha ʒuhuckerâ râeme ʒawec.

¹⁸Eme Aroŋ e bulimakao â lama ŋicne ŋic ŋokac jaŋere biŋe wama bâzire qâhâmowec, ehame ŋokâfâcne jaŋe soc râcnepie alata râreckehuc tiewec.

¹⁹Bulimakao â lama jahere wokemaŋ me gecne wokemaŋhec â qârurune honao mecne, râpe hândâŋko mecne, erâ bugâpâcnao mâmâc bohotarâ fokac