Soũↄ 89:18-34

¹⁸Asa an gawi ń ń gbãaon n ũ, n zɛawanↄ yã́i wá mi daa ía.

¹⁹Wá sɛ̀ngbaoá Dii pↄ́ɛ, wá kíapiá wá Isailiↄ Lua pↄ́ɛ.

²⁰N yã'ò n yãmanaↄnɛ yãa wɛ́pungu'ea guu n mɛ̀: Ma dↄnlɛkɛ̀ nɛgↄ̃naɛ, ma ɛ̀waasopi sɛ̀ lɛsĩ a gbɛ̃́ↄ guu.

²¹Ma a zↄ̀blena Davidi è, ma a nísikàwà ma aà dìlɛ.

²²Máↄ aà kũa ma ↄzĩɛ, ma gã̀sa gbãa aↄ kuaànↄ.

²³Ibɛɛ a fↄ̃ falusiwào, gbɛ̃vãi a e ↄnaalɛwào.

²⁴Má aà wɛ̀lɛↄ wíwi aà aɛ, má aà zangudeↄ kwɛ́.

²⁵Máↄ náai vĩɛ̀ ń gbɛ̃kɛo, aà mi iↄ daa ía ń ma tↄ́o.

²⁶Má ísia naɛ̀ a ↄzĩɛ, iↄ iko vĩ swaↄwa.

²⁷A lɛzumazi à mɛ, má dɛ a Mae ń a Luao ũ, a gbɛsi ń a Suabanao ũ.

²⁸Má aà kɛ ma yoa ũ, iↄ dɛ dṹnia kíaↄ mide ũ.

²⁹Máↄ gbɛ̃kɛ vĩaànↄ gↄↄpiiɛ, ma bàa pↄ́ kuaànↄ gbooa vĩo.

³⁰Má tó aà bui àↄ kible gↄↄpiiɛ, aà kpala iↄ ku e dṹnia gɛ láaò.

³¹Tó aà buiↄ pãkpà ma ikoyãi, mɛ́ aai tɛ ma yãdilɛaↄzio,

³²tó aa bↄ̀ ma yã́ kpɛ, mɛ́ aa ma yãdanɛↄ kũao,

³³má gotↄ̃má an tàaeↄ yã́iɛ, mí ń kɛ búubuu an vãi yã́ musu,

³⁴ãma gbɛ̃kɛ pↄ́ má vĩaànↄ a midɛo, má fↄ̃ náaisaiyãkɛo.