Soũↄ 89:17-25

¹⁷Aaìↄ pↄnakɛ ń n tↄ́o gↄↄpii, aaì ĩ́anadã ń n maakɛao.

¹⁸Asa an gawi ń ń gbãaon n ũ, n zɛawanↄ yã́i wá mi daa ía.

¹⁹Wá sɛ̀ngbaoá Dii pↄ́ɛ, wá kíapiá wá Isailiↄ Lua pↄ́ɛ.

²⁰N yã'ò n yãmanaↄnɛ yãa wɛ́pungu'ea guu n mɛ̀: Ma dↄnlɛkɛ̀ nɛgↄ̃naɛ, ma ɛ̀waasopi sɛ̀ lɛsĩ a gbɛ̃́ↄ guu.

²¹Ma a zↄ̀blena Davidi è, ma a nísikàwà ma aà dìlɛ.

²²Máↄ aà kũa ma ↄzĩɛ, ma gã̀sa gbãa aↄ kuaànↄ.

²³Ibɛɛ a fↄ̃ falusiwào, gbɛ̃vãi a e ↄnaalɛwào.

²⁴Má aà wɛ̀lɛↄ wíwi aà aɛ, má aà zangudeↄ kwɛ́.

²⁵Máↄ náai vĩɛ̀ ń gbɛ̃kɛo, aà mi iↄ daa ía ń ma tↄ́o.