Soũↄ 78:29-46

²⁹Lua pↄ́ pↄ́ aa a ni vĩ kpàmá, ↄ̃ aa sò aa kã̀ pã́upãu.

³⁰E a ni àↄ gɛ́ bↄińla, gↄↄ pↄ́ blɛpi da ń lɛ́u,

³¹Lua fɛ̀lɛ fɛ̃̀ńnↄ, à Isaili gↄ̃gbãaↄ dɛ̀dɛ, à ń ɛ̀waasoↄ kwɛ̀.

³²Gia ń beeo aa gì tɛ duunawaɛ, ń aà yãbↄnsaɛkɛaↄ aai aà náaikɛo.

³³Ɔ̃ à ń wɛ̃ni kɛ̀nɛ́ lán lɛ́'ĩanawa, a tò ↄ̃̀ↄnɛkɛa ń mìdɛ.

³⁴Tó à ń pisabò, aaì aà aɛya, aaì ɛa wà aà kĩ́i wɛɛlɛ ń wãao.

³⁵Aa dↄ̃̀ sa Lua mɛ́ ń gbɛsi ũ, Lua Musude mɛ́ ń Mìsina ũ.

³⁶Ãma aaì lɛ́mawà, aaì ɛɛtoɛ̀,

³⁷an sↄ̃ kuwào, aa aà bàakuańnↄ yã́ gbòo.

³⁸Aàpi sↄ̃ à ń wɛ̃nagwà, à ń duuna kɛ̃̀má, i ń midɛo. Ìↄ azĩa zùukɛ mↄ̀ↄmↄↄɛ, i a pↄkũmabↄbↄmá píio.

³⁹À ń gbɛ̃nazĩnkɛ dↄ̃̀má, asa aaì gɛ̃zɛa susai lán ĩ́anawaɛ.

⁴⁰Aa swã́gbãakɛ̀ guwaiwaiu gɛ̃n ũma'ũma! Aa aà pↄ yàɛ̀ sɛ̃u we à kɛ̀ zài.

⁴¹Aa Lua lɛwɛ, aa Lua lɛwɛ, aa Isailiↄ Lua pↄ́ a kua adoa fɛ̃̀.

⁴²Aà iko gbãa sã̀ńgu, lá à ń sí ń ibɛɛↄwa,

⁴³lá à dabudabuↄ kɛ̀ Egipi, mɛ́ à yãbↄnsaɛↄ kɛ̀ Zoã bùsuu.

⁴⁴À ń swa'iↄ lìlɛ au ũ, ↄ̃ aai fↄ̃ aa a imì lↄo.

⁴⁵À ũsĩnaↄ kàńgu, aa ń soso, ń blↄↄↄ lↄ, aa yãyìamá.

⁴⁶A tò kwaↄ ń pↄ́wɛnaↄ blè, à kwasutɛ̃ kà ń buapↄ́ↄu.