Soũↄ 69:8-22

⁸Asa n yã́i mi sↄ̃́sↄ̃a fↄ̃i, ↄ̃ ma gɛɛ gↄ̃̀ kpa ma wɛ́i.

⁹Ma gↄ̃ zĩ̀lo ũ ma gbɛ̃́ↄ guu, ma gↄ̃ gbɛ̃ando ũ ma da bɛdeↄ guu.

¹⁰N kpɛ́ yã́ ma kũ gbãa, àlɛ ma ibaba, n sↄ̃̀sↄ̃naↄ n sↄ̃́sↄ̃a gↄ̃̀mɛɛ.

¹¹Mi lɛye pↄsia guu, ↄ̃ wìↄ ma sↄ̃sↄ̃.

¹²Mi zwã̀nkasaↄ fĩfĩa, ↄ̃ wìↄ ma kɛ pↄ́ↄpↄↄ.

¹³Gbɛ̃́ pↄ́ zↄ̃lɛ gãaɛↄ ì ma pe, ígbãaminaↄ ì lɛdamanↄ.

¹⁴Dii, málɛ wabikɛma, ńsu to à bↄ n pↄ kpɛo, wea Lua, n gbɛ̃kɛ zↄ̃ↄ yã́i, ní ma suaba sĩana.

¹⁵Ma bↄ bɛ̀lɛu, ńsu to mà kpálɛuo. Ma bↄ ísiu, ma si ma zangudeↄwa.

¹⁶Ńsu to ísↄ̃ damalao, ńsu to mà kpálɛ ísiuo, ńsu to wà tɛ̃́ɛna kamalao.

¹⁷Wea Dii, asa n gbɛ̃kɛ maa, ma wɛgwa n sùuu zↄ̃ↄ guu.

¹⁸Ńsu mikpɛli n zↄ̀blenaɛo, wea kpakpa, asa ma gↄ̃ yeelɛaɛ.

¹⁹Sↄ̃mazi, ma misi, ma suaba ma ibɛɛↄ yã́i.

²⁰Ń ma sↄ̃́sↄ̃a ń widaaao ń ma kpɛbↄao dↄ̃, ńlɛ gbɛ̃́ pↄ́ aa yã́kũamanↄↄ e.

²¹Sↄ̃́sↄ̃a ma sↄ̃ zↄ̃̀, ma gↄ̃ yɛ̃̀ɛɛsai, gbɛ̃́ pↄ́ a ma wɛgwa ↄ̃ má wɛ̀ɛlɛ, mi eo, gbɛ̃́ pↄ́ a ma nↄ̀sɛ nínimɛɛ ↄ̃ ma wɛdↄ̀i, a kuo.

²²Aa ɛsɛ vãi kàmɛɛ blɛu, kɛ́ imi ma kũ gbãa, aa vɛ̃ɛ kũ̀ma kpàa.