Soũↄ 35:5-20

⁵Aaↄ dɛ lán ése ṹa pↄ́ ĩ́ana sɛ̀lɛwa, Dii Malaika i pɛ́lɛńzi.

⁶An zɛ́ àↄ gusia vĩ ń zãanao, Dii Malaika i ↄzↄ̃ńzi.

⁷Asa aa ɛyↄ̃̀mɛɛ pãɛ, mi yãe kɛnɛ́o, ↄ̃ aa ba kpàmɛɛ.

⁸To músi ń le, i kɛnɛ́ zãma ũ. To ba pↄ́ aa kpàmɛɛ ń kṹ, aai lɛ́lɛ ɛ pↄ́ aa yↄ̃̀pi guu.

⁹Ma pↄ i gbasa kɛ Diiwa na, mí pↄnakɛ kɛ́ à ma suabà yã́i.

¹⁰Má o ń nↄ̀sɛmɛndoo, Dii, démɛ kànwai? Ni taasideↄ si gbãamↄnɛdeↄwa, ni wɛ̃nadeↄ bↄ ń wɛtãnaↄ ↄzĩ.

¹¹Seelade ɛgɛnaↄ ì fɛlɛmanↄ, aaì yã́ pↄ́ má a yã́ dↄ̃o lalaa.

¹²Aaì maa fĩabomɛɛ ń vãio, ↄ̃ ma gↄ̃ gbɛ̃ando ũ.

¹³Tó aalɛ gyãkɛ yãa sↄ̃, mi zwã̀nkasa daɛ, mi azĩa kɛ̃́sã ń lɛyeao, mi wabikɛnɛ́ láasai,

¹⁴lá aa dɛ ma gbɛ̃na ge ma gbɛ̃́ ũwa. Miↄ bɛ mipɛlɛa ń oosisio, lá ma da málɛ wɛ̃nakɛɛ̀wa.

¹⁵Ãma kɛ́ ma gɛ̃mbↄlɛ, aa kã̀aamazi ń pↄnao, aa ma zãmakɛ̀ aa ã̀naa, aa ĩadàa láasai.

¹⁶Aa ma àlafiikɛ̀ pãsĩpãsĩ, aa lɛ́sakã̀mazi.

¹⁷Dii, ńyↄ̃ↄ ma gwa màa e bↄɛ ni? Nↄ̀ↄmusupiↄ lɛ́ ma taitai, ma símá màↄ ku.

¹⁸Má n tↄbↄ balu guu, má n táasilɛ dasi guu.

¹⁹Ńsu to ma ibɛɛↄ tidↄmalao, ńsu to gbɛ̃́ pↄ́ zamagu pãↄ ma gwa ń wɛdooo.

²⁰Yãna lí bↄ ń lɛ́uo, aaì yãdↄ yãkelesaideↄwa.