Soũↄ 18:5-22

⁵Gó kpàlɛmanↄ, kaalɛ swa lɛ́ ma ble.

⁶Mia baↄ galakpàmɛɛ, ga baikpàmɛɛ ma aɛ.

⁷Ma yeelɛa guu màa ma Dii sìsi, ma lɛzù ma Luazi, ↄ̃ à ma lↄↄ mà za a bɛ, ma wii kàwà, à gɛ̃̀ aà swã́u.

⁸Tↄↄlɛ lùalua à zĩ̀azĩa, gbɛ̀sĩsĩↄ dèedee ń zĩ́nau, aa lùalua kɛ́ aà pↄ pà yã́i.

⁹Súɛlɛ bↄ̀ aà níu, tɛ́ pↄ́ ì kṹmá bↄ̀ aà lɛ́u, a yↄ̃ↄ lɛ́ pipi aà aɛ.

¹⁰À gu kɛ̃̀aa musu à pìla, lou sìsi aà gbá zíɛ.

¹¹Àlɛ vua dia malaika gã̀sĩade kpɛ, àlɛ yàakpa ń ĩ́anao.

¹²À gusia kù azĩala, à luabɛsiana kɛ̀ a kúkĩi ũ.

¹³Lousisia dↄ̀aa aà gawi pílɛaɛ, lougbɛ kwɛ̀, lou pìlɛpilɛ pãsĩpãsĩ.

¹⁴Dii Musude pàla za musu, aà lↄↄ dↄ louvĩa ũ.

¹⁵À ka fã̀ ma ibɛɛↄgu à ń fãaa, Lua sùmá à ń yá.

¹⁶Kɛ́ n palamá Dii, ísia tↄↄlɛ bↄ̀ gupuau, kɛ́ n pↄbↄ̀ n níu, dṹnia zĩ́na bↄ̀ puizi.

¹⁷À ↄbↄ̀ za musu à ma kũ, à ma bↄ ísiu.

¹⁸À ma si ma ibɛɛ gbãawa ń ma wɛ̀lɛ pↄ́ an gbãa dɛmalaↄ.

¹⁹Aa ã̀naa ma wɛ̃nakɛgↄↄ, ↄ̃ Dii zɛ̀manↄ.

²⁰À ma bↄ à ma gba dɛ̀ɛpookĩi, à ma mìsi kɛ́ a yemazi yã́i.

²¹Dii yãkɛ̀mɛɛ ma nↄ̀sɛmaa lɛ́u, à fĩabòmɛɛ ma gbãsĩsai lɛ́u.

²²Asa má Dii yãdilɛaↄ kũa, mi vãikɛ ma a Lua tò weo.