22Asa má Dii yãdilɛaↄ kũa, mi vãikɛ ma a Lua tò weo.
23Aà ikoyãↄ ìↄ dↄaaamɛɛ, mi bↄ yã́ pↄ́ a dìlɛↄ kpɛo.
24Ma kua tàae vĩ Diiɛo, má azĩa kũa duunasai.
25Dii fĩabòmɛɛ ma nↄ̀sɛmaa lɛ́u, asa a è má kú gbãsĩsaiɛ.
26Ń náai vĩ náaideↄnɛ, tàaesaiden n ũ tàaesaideↄnɛ.
27Ń wásawasa gbɛ̃́ wásawasaↄnɛ, ãma ni kↄ̃nikɛ gbɛ̃́ dↄ̀ↄsaiↄnɛ.
28Ni zĩabusanaↄ suaba, ni gbɛ̃́ pↄ́ aaì ńzĩa sɛ lɛsĩↄ busa.
29Dii, ni ma filia tɛfɛlɛ, ma Lua, ni ma gusia lilɛ gupua ũ.