SAN LUCAS 22:55-69

⁵⁵Din sa̱hn chahn a̱ma va̱coya̱hn chevah, ne vatendi se, reca̱h ihno se sa̱hn.

⁵⁶Tuhme ndihchero a̱ma ta̱hn deca̱hya che nduco Pedro, nti ye min. Ndihchero ndah te ihyan, ne ra̱hn te: ―Sa̱hnguh ne, chinduco se sa̱hn preso ca̱h.

⁵⁷Ndahconan Pedro, ne ra̱hn ye ri ye ta̱hn: ―Nde hua rendihché ihyan.

⁵⁸Namena̱n me ne, ndihchero ta̱ma se ihyan, ne ra̱hn se: ―Namin di, ndoque va̱n sa̱hn che rinduco se sa̱hnga̱h. Ndahconan Pedro: ―Ndiyu u.

⁵⁹Chihno tenduh a̱ma ura ne, ra̱hn ta̱ma se: ―Cua̱co te sa̱hnguh ne, chinduco se sa̱hnga̱h, te sa̱hn Galilea se.

⁶⁰Ndahconan Pedro: ―Nde hua devanó deh che rahn. Nde ametah cuihno ca̱hma Pedro, ne cah tuh.

⁶¹Tuhme chaconan Dihvo vo, ndihchero ye Pedro, ne neca̱hco ye nduhca̱ che ra̱hn Dihvo vo: “Ura che ametah cuah tuh ne, cahme ino yune te hua rendihche u.”

⁶²Tuhme ndihquenda̱ Pedro, ne a̱ma chaco ye.

⁶³Sa̱hn che redin se cuda̱do Dihvo vo ne, redin duche yahn se ihyan, ne rahn se ihyan.

⁶⁴Dechiche se a̱ma tino na̱n ye. Rahn se ihyan, ne ra̱hn se: ―Cahme duh che chahn di.

⁶⁵A̱ma ndeh na̱n ca dehtenduh ra̱hn se, din duche yahn se ihyan.

⁶⁶Cuahn che a chi dave me ne, ndo da̱ma chidocuya̱n ndina̱n ma̱n, sa̱hn devano ley che dirun Moisés ma̱n, sa̱hn intiyahn ma̱n, ne quenda se Dihvo vo na̱n che cuhnde ca̱de yahn ye.

⁶⁷Min tumerune se ihyan: ―¿A di ihyan che a va ca̱de che chi ye, ndedevahn ye ihyan iyehnse ne? Ndahconan ye, ne ra̱hn ye ri ye sa̱hn: ―Ndete che ca̱hmá có nchuhn te u ne, nde hua cotahno ne.

⁶⁸Ndete che va deh che tumeruné ne, nde hua ndahconan ne yáhn.

⁶⁹Ate u che rinducó nducoya̱ca ihyan ne, a nun cuhndé la̱do ta̱h cua̱co Dendiohs, ihyan min che a̱ma yudo vederihquentiyon yahn ye.