Luka 22:55-69

⁵⁵Na hawabwinile ghumoto haghati he chibwalu cha libaratsa, wakala hamwe. Petiri naye kakala nawo.

⁵⁶Na imtumwa yumwe ipinga kamwona Petiri kakala mne ghumwanga. Kamlola ghoya, kalonga, “Imunu yuno naye tsakakala na Yesu!”

⁵⁷Lekeni Petiri kabela, kalonga, “Ghwe ipinga ghwe, nene simmanyile bae.”

⁵⁸Hambele chidogho, imunu yungi kamwona Petiri, naye kalonga, “Ghweghwe naghwe kwa yumwe wawo.” Lekeni Petiri kalonga, “Aka, si nene bae!”

⁵⁹Kuya ibita isaa imwe, imunu yungi kalonga, “Ayu tsakakala naye ghendo, kwaapfila naye Mgalilaya!”

⁶⁰Petiri kalonga, “Ghwe imunu ghwe, chulonga sichimanyile bae!” Baho hang'ali yolonga, jogholo keka.

⁶¹Imtwatsa kahunduka, kamlola Petiri. Naye Petiri kakumbuka imbuli iyamlongele Imtwatsa, “Leloli jogholo ng'ana yeke ghweghwe kutsonibela mala ndatu, ka ng'unimanyile bae!”

⁶²Petiri kalawa kunze, kalila kwa usungu.

⁶³Iwanu iwang'ali womkalitsa Yesu wandusa kumbetsa na kumtowa.

⁶⁴Wamtowa aku wamghubika tsinenge, wamghutsa, “Utange! Yuhi yakutowile?”

⁶⁵Kuya walonga mbuli nyingi tsa ukumligha.

⁶⁶Nemitondo haipfikile, iwabala, ipfilongotsi we inambiko na iwolangulitsa Ghamalaghitso tsawetingana hamwe, wamghala Yesu kune libalatsa lyawo.

⁶⁷Walonga, “Tulongele ka ghweghwe kwa Kiristu.” Yesu kawalongela, “Ning'awalongela, mwemwe ng'amtsotoghola bae,

⁶⁸na ning'awaghutsa, ng'amtsakwidika.

⁶⁹Lekeni kulawa sambi na kughendelela, Imwana we Imunu katsokala ubali wa kujilo we Imulungu yane Ingupfu.”