Luka 22:55-69

⁵⁵A e stražara phabarde jag ani avlin, bešle savore katane, thaj o Petar bešlo lencar.

⁵⁶Diklja le jekh sluškinja sar bešol paši jag, thaj dikhlja nakar leste thaj vačarda: “Kava sasa e Isusesa!”

⁵⁷A vov hohada vačarindoj: “Đuvlije! Me ni pinđarav le!”

⁵⁸Nekobor pale gova pinđarda le aver thaj vačarda: “Tu san jekh lendar!” A o Petar vačarda: “Manušeja, naj sem.”

⁵⁹Thaj kana nakhlo paše jekh časo nesavo manuš uporno vačarda taro Petar: “Čače thaj kava sasa lesa. Galilejco si!”

⁶⁰A o Petar vačarda: “Manušeja! Ni đanav so tu phene!” Thaj sigate dok vov vačarda o bašno đilabija.

⁶¹Thaj irisajlo o Rajo thaj dikhlja e Petre, thaj o Petar dijape gođi so vačarda lese: “Angleder so o bašno ka đilabol trin droma tu mandar ka duravo.”

⁶²Thaj o Petar iklilo avral thaj čerče ruja.

⁶³A e čuvara lije te maren e Isuse thaj te maren lesa muj.

⁶⁴Thaj učharde lese jakha thaj marde le po muj thaj pučhlje le: “Prorokuji ko čalada tut?”

⁶⁵Thaj but avera bilačhe buča vačarde pe leste.

⁶⁶Thaj kana sasa sabalin, čidijepe e narodna phuredera, thaj e šerutne e sveštenikurenđe thaj e učitelja tare Mojsijaso zakono. Ande e Isuse angle bare manuša

⁶⁷vačarindoj: “Tu li san o Hristo? Vačar amenđe.” A o Isus vačarda lenđe: “Ako i vačarav tumenđe, ni ka pačan ma.

⁶⁸Te pučljem tumen khanči, ni ka vačaren manđe.

⁶⁹Al od akana me, o Čhavo e Manušeso, ka bešav ko časno than paši zor e Devlesi.”