8Bénnea' dxun zrin chee̱ xe̱zr la xu na' beche̱be̱': “Xran, bca'ana na xetú iza na'a. Guzúlujdxa' zran na, ne cua'a na be̱be.
9Nen da na', gúnnalja na, san che cabí, na' chugu' na.”
10Gate naca zra dxulupá'ana judío ca', na' zua Jesús tu lu xu'u naga dxelezraga judío ca' dxusé̱dene̱' benne' ca',
11na' zua na' tu nu'ula xu'e̱ we̱' ba guca chinu chunna iza. Tu be' xriwe̱' nun na le̱' cuzru legu, na' quebe dxácaqueze̱' xelíe̱'.
12Gate ble'e Jesús le̱', na' gunné̱' le̱', ne guzre̱' le̱': ―Nu'ula, ba bexacu' chee̱ xízrawe̱' chiu'.