Luka 13:8-12

⁸Ikabheje ntumishi jula gwabhajangwile, ‘Mmakulungwa, namwaka tuuleshe, niguolele liimbo na niutajile mbolela.

⁹Ibhaga pashaka uogolaga iepo, shammbone, ibhaga lepe, bhai shiguushele.’ ”

¹⁰Lyubha limo lya Pumulila a Yeshu bhatendaga jiganya nshinagogi jimo.

¹¹Penepo bhashinkupagwa bhakongwe bhamo bhaaliji na shigongo kwa yaka kumi na nane, pabha ashinkwaatama lioka jwangali jwa mmbone. Nngongo gwabho gwashinkupinda, bhakakombolaga kujinuka nkali kashoko.

¹²A Yeshu bhakaabhoneje gubhaashemile, gubhaabhalanjile, “A mama nnamile shilwele shenu.”