8Ija imulimi kamulongela, ‘Mndewa, uleke tanhu mulao umwe, niutifulile nizunguluka disina, abaho, niwikile mboji.
9Abaho, mulao uyagwe kamba uhalela, vonoga. Ila kamba haulelile, leka uukanhe.’ ”
10Zua dimwe da Mhumulo, Yesu kakala yofundiza mng'anda ya nhambiko.
11Na haja kukala na mtwanzi yalemazwe na kinyamkela mmilao longo dimwe na minane. Kakala yabongomale na hadahile kugoloka hata kidogo.
12Yesu viyamonile, kamkema haulongozi, kamulongela, “Mama, utamu wako uhona!”