San Lucas 13:8-12

⁸Ába loúnabuni le oúnigirubalin ichári, ába laríñagun. “Niyúbudiri, ígirayaboún irúmu le, nañúludagüdali múa táu, awoúja áume táu.

⁹Fágua tagíindun ítara, ánjoun magíindun, ábame tánchugún.”

¹⁰Luágu ában wéyu le eméraaguagülei, ñíñein Jesúsu arúfudaja tídan jalígilisin juríu,

¹¹ñíñounti ában wǘri, díisi-wídü irúmu táu láu ában espíritu wuríbati tuágu, ígira láaru espíritu ligía lemúñu, siñá tásururun ni murúsun.

¹²Dan le laríjinbarun Jesúsu, ába lagúarun tun, ába laríñaga tun. —Wǘri, areídaguaadibu.