Lucas 13:8-12

⁸Asal igtaba tô taradóppón, na mà din, ‘Sir, pabayà nu ka sábbad pa ámmé, su kaliyan ku tô tanà, asta abunowan ku pa.

⁹Madigár pád ka muuy nit sumui ámmé. Asal ka dì muuy, mému ka papilén nu.’”

¹⁰Na, tô álló ka kapaginawa, igtinurù si Jesus tun ta sábbad simbaan ka Judio.

¹¹Duwán sábbad bayi na igbungkug ka madat espiritu dalám ka sapulù walu (18) dán ámmé, asta dì ágkatullid tô bókkóg din.

¹²Tô igkita si Jesus katô bayi, igtawar i Jesus sikandin asta igkagiyan, na mà din, “Matullid dán ni bókkóg nu.”