San Juan 9:8-13

⁸Hua̠nti̠ xta­la­ka­pasa chu hua̠nti̠ xta̠­la­ca­tzuní̠n chiné tzú­culh tahuán: —¿Lácu pi̠ ni̠ huá eé chixcú hua̠nti̠ xta­huilay la̠qui̠ nas­quín limos­na?

⁹Maka­pi­tzí̠n xta­huán: —Xli̠­ca̠na cuan, huá. Y huí maka­pi­tzí̠n hua̠nti̠ xta­huam­paray: —Ni̠ huá, pero luu xta̠­chuná tasiyuy. Pero huata a̠má chixcú ma̠n xca̠­huaniy: —Xli̠­ca̠na pi̠ aquit a̠má chixcú hua̠nti̠ hua­ni­pá̠tit.

¹⁰Xlacán chiné taka­lhás­quilh: —¿Lácu chi̠nchú tla̠n li̠la­ca­hua̠­nana?

¹¹Xlá chiné ca̠huá­nilh: —Amá chixcú hua̠nti̠ hua­nicán Jesús caj xchújut li̠t­lá­hualh actzu̠ pu̠tlú̠n y qui­li̠­la­cat­lá­hualh nac qui­la­kas­tapu y chiné qui­huá­nilh: “La̠li̠­huán capit laka­cha­kana nac musni hua̠ntu̠ hua­nicán Siloé.” Aquit xlá calh y acxni̠ cla­ka­cha­kan­ko̠lh aya tla̠n cla­ca­huá̠­nalh.

¹²Y taka­lhas­quimpá: —¿Nícu chú lama tamá chixcú? —Ni̠ cca­tzi̠y —ca̠huá­nilh xlá.

¹³Porque a̠má quilh­ta­macú sábado acxni̠ Jesús tlá­hualh actzu̠ pu̠tlú̠n y ma̠la­cat­lá̠n­ti̠lh a̠má laka­tzí̠n pus luu acxni̠ xli̠­huancán para tícu nas­cuja, huá xpa̠­la­cata li̠lé̠n­calh nac xla­ca­ti̠ncán fariseos a̠má chixcú hua̠nti̠ xma̠­la­cat­la̠n­ti̠­cani̠t.