8थेला खिम्जेमगदेदेन थेदा ङाच्छा ह्रीसी चिबा म्राङ्बा म्हिगदेसे “तिग चु थे ह्रीबा म्हि आहिन?” भिसी ङ्योइजी।
9कोइ कोइ म्हिसे थेदा म्राङ्सी, “चु मी थेनोन ह्रीबा म्हि हिन्ना” भिसी भिबान मुबा। स्य्हान्दोगदेसे चा हिन्बाम थे ह्रङ्बान म्राङ्बा चीम, तर थे म्हि “आहिन” भिसी भिजी। तर थे म्हिसे “ङा थेनोन हिन्ना” भिसी भिबाला भिबान मुबा।
10थेनीगदेसे थेदा “दान्दे एसे खाह्रङ् लसी म्राङ्जी?” भिसी ङ्योइजी।
11जमाहेन्से थेसे थेनीगदेदा “येशू भिबा म्हि गिकसे साप्रा ज्योप्सी ङाला मीरी फोर्सी ङादा ‘सिलोआमरी निसी ख्रुउ’ भिसी सुङ्जी। ओच्छे निसी ख्रुमाहेन्से ङाइ म्राङ्जी” भिसी भिजी।
12थेनीगदेसे थेदा “थे म्हि खानङ मुला?” भिसी ङ्योइमा, थेसे “ङादा था आरे” भिसी भिजी।
13जमाहेन्से थेनीगदेसे ङाच्छा काना मुबा म्हिदा फरिसीगदे मुबा ग्लारी भोर्जी।