Jon 9:8-13

⁸Nedi digak lox aurer i, la nedi bok limixin diga reven i ga ngising panga, avot be ri na lavanga sangsangu, la diga esue xeretna, “Kereva, neni vam na laradi no gat kis la ga ngising panga?”

⁹Leventaba diga lok, “Neni vam.” Ketla leventaba vetpes diga lok, “Kopmen, ketla neni i ven ngan i.” Ketla mo laradi xa ga lok, “Nenia vam mo laradi.”

¹⁰La diga sue lolos i, “Luxatli ram i lox avukat kereva?”

¹¹La ni ga vorang i ridi xeretna, “Lara laradi, laasen teren ne Iesu i xalaubis amumulum loxongkangka, la ia gis i de at luxatli rak, la ia lok tia do anat pas uto Siloam la ana gos lamarak. La nia a vas kaxat la ise do nia a gos lamarak, ara ven bok ba.”

¹²La diga sue i, “Ua nga mo laradi?” La ni ga lok, “Axoklen i.”

¹³Melemu mo limixin diga lok ka na laradi, luxatli ren ga main uto at lubung Parisi.