Yuhanis 9:8-13

⁸Kon atuil in uma dadani nol atuling na ngas keket apa noan, “Hoe! Ni atuling tedo man hmunan nu daad le nodan-nodan tuun na, ta lo?” Oen aa ela, lo oen tanan le hmunan nu un tedo.

⁹Atuil tenga las tek noan, “Hao! Na un son na!” Atuil tenga las pait tam tek noan, “Loo! Un sila ka el atuling na tuun, mo un na lo!” Mo atuling na esa tekas noan, “Loo! Auk niang son niang! Man hmunan nu tedo ka!”

¹⁰Kon oen keket un noan, “Taon elola le ku net son nia?”

¹¹Un situs noan, “Atuling man in ngala Yesus sa, tao konat, le muang laok se auk matang ngia. Hidim Un lok auk noan, laok se ui in nangen Siloam mua, le lalu-boe ku silam ma se lua. Kon auk tao muid Un in teka ka. Tiata halas ni auk ngat neta!”

¹²Mo oen keket un pait noan, “Lam Atuling na ne ola ka?” Un siut noan, “Tia ka, auk tanan lo nian!”

¹³Leol neot Yesus in tao atuling tedo ka mata ka le neta ka, tom nol atuil Yahudi las leol teen in dake. Kon oen kil nol atuling tedo man net son na, lako situ-tal se partei agama Farisi la atulin nas.