Text copied!
BREAK EVERY YOKE
CopyCompare
Saufa Kotalake Gemae
- Samu

Samu 84
1
2
3
5
6
8
11
12
15
16
17
19
22
23
24
25
27
32
34
36
37
38
40
42
45
46
48
49
50
51
53
61
62
63
67
69
72
73
78
84
85
87
89
90
91
93
95
96
100
101
103
104
105
106
107
110
116
117
118
119
120
121
122
123
125
126
127
128
130
131
133
134
139
145
150

Help us?
Click on verse(s) to share them!
1Ala kava nene, huꞌna, muki vayaꞌaiteꞌmo yagaika neꞌapatana vekae. Nagaemo maiꞌnanatega mono nokaeꞌmo lusi kava huno neꞌnahaiye.
2Nokafiꞌmo maisuva yafeꞌmo lusi kava huno naipamoꞌmo nehaiye. Muki nagufamoꞌe naipa nagesafatiꞌeꞌmo afaꞌa neꞌmaiya Gotifekeꞌmo nehaiye.
3Aise nama anagaꞌmogi apanoꞌmo kiteꞌa maiꞌnageꞌapaeꞌmo kisaveꞌyavemogi apanoꞌmo haneꞌnigeꞌa apamuꞌmo maleteꞌa aiꞌa apalo atiteꞌa neꞌyagaiye. Nokafiꞌmo neꞌmaiyaꞌmonanafa muki vayaꞌaiteꞌmo yagaika neꞌapatana vekae, huꞌna, kini vekaꞌnimo Gotiꞌnimogae, huꞌna, nokafiꞌmo oꞌmaiꞌneꞌna ofalinimo kamisuva hiꞌyalamukaleꞌmo ofalinimo nehaya hiꞌyalamukaleꞌe hiꞌyalamukaleꞌefeꞌmo nagesamo neꞌafuve.
4Nokafiꞌmo maiꞌneꞌa yokemo huꞌa kagikaleꞌmo aliꞌa asaga nehaya vayaꞌmogi kaulagaleꞌmo alagepa huꞌa maiꞌnayanageꞌa afaꞌa apamogaga aigae.
5Lokiyaꞌapimo kagaetegatiꞌmo aliꞌnisaya vayaꞌmogimo kaulagaleꞌmo alagepa huꞌa maiꞌnayanageꞌa apamogaga aigae. Kagaetegamo visaya apaipamo nekaliye.
6Kaꞌmo umenitata nehuꞌapaeꞌmo aniꞌmo leno laneꞌniya kalokalopafiꞌmo apaunumo uno nelamigeꞌa umenitata nehuꞌapaeꞌmo kelimo kafi maleꞌnageno koꞌmo aiteno aniꞌmo maleno havai teꞌnigeꞌa neꞌnae.
7Lokiya vaime vaime uꞌa magoꞌe huꞌa lokiya vaiꞌa uꞌa aigofe gotiꞌapimogimo aeno apakaseꞌniya Gotitegamo Saiyoni kotegamo agegae.
8Muki vayaꞌaiteꞌmo yagaika neꞌapatana vekae, huꞌna, nunumu nehuvanagi geꞌnimo afiyo. Yekopu Gotiꞌamogae, huꞌna, afiyo.
9O Gotiyo, halegutimogae, huꞌna, ago. Lekana paika ateꞌnana vekamo augosafiꞌmo ago.
10Mago alagepa haopalegamo uꞌna yatala afinaꞌmo maisuvana namogaga aiguvaꞌmonanafa nokafiꞌmo aise afinaꞌmo maisuvana magoꞌe huꞌna namogaga aiguve. Nagaemo Gotiꞌnimo noꞌafiꞌmo afa ina agufa vekamo kipateꞌmo neꞌyagauva vekamo maisuvafeꞌmo nahauꞌniyaꞌmonanafa hosu vayaꞌai noꞌapifiꞌmo haiꞌna maisuvafeꞌmo oꞌnahauꞌniye.
11Ala kava netimoꞌa yegetiꞌe halegutiꞌeꞌmo maiꞌniye. Agaemo ala apakiꞌapimo apamiteno alagepa yaꞌmo fiku hapa maeno apamigiye. Agaemo api kavaꞌmo nehaya vayaꞌaifeꞌmo magoke alagepa yaꞌmo magokeꞌageꞌmo aliꞌna lapamiguve huno osugifa muki alagepa yaꞌamo afaꞌa alino apamigiye.
12Muki vayaꞌaiteꞌmo yagaika neꞌapatana vekae, huꞌna, Kagaefekeꞌmo, laha maegaiye, huꞌa apakesamo neꞌafiya vayaꞌmogi kaulagaleꞌmo alagepa huꞌa maiꞌnayanageꞌa afaꞌa apamogagamo aigae.


BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!