Sam keil 84

1

5

6

8

9

15

16

19

23

24

27

29

30

32

40

42

46

47

51

63

65

66

67

70

71

84

85

92

93

95

96

97

98

100

111

112

113

115

117

119

121

135

136

138

139

145

146

148

149

150

¹Natin Korah keil amutisi Iahova, asuv houlu ten out nesa, Eim Votut onom vi moreite mok.

²Ek vati mato en out enek. Ek vati mok mato en Eim Votut onen Iahova. Ral min moulien vasi onak, nisau en sien minuk, Ahi koa moul.

³Tahos imok masuval avervatu keil koa amumon anu ome en Eim Votut onom, keil avise eim onom vahi teim se. Keil aravo kat titae keil vesesal ven ahor onom, O Iahova, asuv houlu ten out nesa, keik kovi asuv houlu onak ka Ahi onak.

⁴Tokolkatien mul en koakeil aro en Eim onom, veni keil amusau masmasuk lises.

⁵Tokolkatien hel en koakeil amundesinuk keke kovasan keihoen min keil, min koakeil aling rendemien one keke avaha avasao en Eim Votut onom en Hou Saeon.

⁶Navong amual aka vas poal tames ten out Baka, keil ales oai mul memela en ahat keil, ka ous mus rohtoh sien vulioai keil.

⁷Keil akur keihoen en sise one, hetokol avong keil iles Ahi en out Saeon, kei koa vi houlu mulin ahi keil onen meatin sav keil.

⁸O Iahova, Ahi ten out nesa, kitaengon hisien onak eli. Ahi onen Siekob, kisan ralingom minau.

⁹O Ahi, kitokol kat asuv houlu onomai koa suval eikokoe onomai. Kilele hetahos min kei koa korie lati.

¹⁰Munak nakilea matos en teahu ten Eim Votut onom avong tas, kei tahos imok mulin avong taosen tai en out sav. Ahi onak, munak mal mahi meatin kuren tanges koa lei kokoe voiteh ten Eim Votut onom, nisi nau mok helin munak mato en amas en eim tavolin onen kei koa mum kalkali.

¹¹Iahova, keik komul koring koe komai ka muohien onom suval meteiai. Kosan tahosien ka houhouen min komai. Keik korseseintei kovasan tounah keil tetahos min koakeil ualien one mutolas.

¹²Iahova, asuv houlu ten out nesa, tokolkatien onom hel en koakeil aling desien one enuk.