Samu 32:3-11

³Koo dupwa polo laa nayono dokopa ee lao karo kwuanyi serapala nenge sikya piya.

⁴Kukwa korakamape kamongo embame namba randa jii. Panyi pipala yuu rombe laa nangenyili pyuo nambana porainya renge doko mee ingiya.

⁵Nambana koo dupwa emba keta polo langiyu. Kopetame pingi dupwa yalu pinya saka napala emba polo langinya suu piyu. Dokona embame nambana koo pingi dupwa peparae kwuanyi nembakaeye.

⁶Embena pii mondo laominyingi wambu dupwame yuu gii randa epelyamo dokopa emba kando loma serami ingilyamo. Randa dupwa apunda ingyuo kulimbwanyi peyo epenge dokopa randa epenge dokome nakama nyera ingya nangepya.

⁷Emba nambana yalu pingipanda doko. Randa nyero dokopa namba nyisare ingilyamo. Emba nambana randa epara dupwana kyawa lete nyere ingilyamo dokona lao wee kenanepe lao ranaisa pokao poraiyuo lao karo.

⁸Kamongome lao dokopa, Nambame emba apa pyuo palyuo karo piri lao mana langiru, letamo. Nambame dopa pyuo pipingi lao mana pii langiru.

⁹Mena osepe panda dongepe kyakange ingilyamosa pii rape rape lao simili lao nenge katana kapa bange poraipi puupi dolapome anjapala minyilyaminyi paenge dopale ingyuo kara nalapape.

¹⁰Koo yaki nyii nao pingi dupwa randa nao pisirami. Dopa piraminyipape Kamongo baa keta mona pyamalyuo karaminyi dupwa embena mona reto puu penge renge dokome kyawa minyarene karenale.

¹¹Rolae pyakamyuo karaminyi dupwa Kamongome nyisapya dokona rae maiyuo parami ingilyamo. Banya pii warombo singi dupwa rae maipala pii porakaiyuo lao para ingilyamo.