Psalms 32:3-11

³Tom aninga memek ira kaluwukasam mu ani tirom woremkalal yaman karogo niara kikira te angimik sokel menakaso.

⁴Mu awuk, tirom woremkalal nika kiting ko ikup aga moakaso, se worem sirsir kaiso se marakaso iwitata, angimik sokel maraka saparam.

⁵Bare ani ari ko ikiem ale aga memek wetang te ni Yawe kema te balu saperem, se ni aga ikup memek mu suen la siwu saperem.

⁶Buta se awiriya ni karo kisu lagoso mu noko ikup kam ningi pasak ala nikate airukko; se tom yu lom biya lairuk tarigiruk, mu nu te memek bo me taukko.

⁷Ni aninga yumura kuwim; ni ikup kam ningi aga bitarsam ale aga sangaru tasam, ale sangaru ta ko wur amilmil angamang ningi betesam.

⁸Yawe iwita balam: Ani ka kiti gurugek ale lage te namarko mu ka kausekko; ani de ilu se, ni aninga amotam te la bagerko.

⁹Ni horse se donkey, ikia mena se mayang te diram nusumulak kalosan ale nunga tagisan, uwuta me bagerko.

¹⁰Kariimet memek mu ikup yaman tamonko; bare awiriya Yawe kote ikia gomang bita lagoso, mu nu pempem gomang nungarso ale nunga sinar taso.

¹¹Se nina kariimet diram alo, mu Yawe ko amilmilaralko; nina noko kuring karo tusan, mu wur iluwal ale amilmil kelagalko!