Samu 24:2-9

²Baame wasiyamo doko ipwa pete yalu yuu kokorena kando wasiya. Ipwa kota andake koko dokona susa ingyuo pyapala wasiya.

³Kamongona yuu kyau dokona api rolae ingyuopulyuo para ingilyase? Api baa kapa pyuo banya tembole anda poo pyasi dokona konando para ingilyase?

⁴Dokona akali mende yulu piramo dokopa koo pii nao suu pingi keyange palyuo bange kingimi wasisi dupwa lakanda nao kyambo lao kana minya nao pira.

⁵Dopa piramo doko Kamongomebaa elyape keta piso pyuo nyera. Anatu baa kando koo mende pii nayalyamolara.

⁶Wambu dopale Anatu keta eparaminyi dupwa. Jekopena Anatu dokona lenge kambu dokona eparamisa pira.

⁷Kame kambu doko pyaali lao lumbuo pee lare. Kambu dowa wambarae doko lumbware. Dokopa kiŋi mupwa doko sukusa epara.

⁸Kiŋi mupwa doko apisi? Baa Kamongo porai, porainya renge palenge doko epara. Kamongo yanda sipurenge dokopa baame nyuo anamasi minyingi doko epara.

⁹Kame kambu doko pyaali lao lumbuo pee lare. Kambu dowa wambarae doko lumbware. Dokopa kiŋi mupwa doko sukusa epara.