Buk Song 24:2-9

²Em i wokim graun antap long ol wara i stap daunbilo tru. Na em i wokim as bilong graun namel long solwara.

³Husat inap i go antap long maunten bilong God? Husat inap i go insait long haus bilong God yet?

⁴Man i no mekim pasin nogut, na bel bilong en i klin, man i no save lotu long ol giaman god, na man i no tok tru antap bilong giamanim narapela man, kain man olsem em inap.

⁵God bai i mekim gut long dispela kain man. God bai i kisim bek em na kolim em stretpela man.

⁶Kain man olsem i save painim God. Em i save go klostu long God bilong Jekop.

⁷Yupela dua, yupela op. Yupela dua bilong bipo tru, yupela op bikpela, bai nambawan king i ken i go insait.

⁸Nambawan king, em husat? Em God wanpela tasol. Em i gat bikpela strong tru, na i save win long ol pait.

⁹Yupela dua, yupela op. Yupela dua bilong bipo tru, yupela op bikpela, bai nambawan king i ken i go insait.