SALMOS 24:2-9

²Pampa yajaya quitlatzquilti cuali huan quiquetzqui ni tlaltepactli tlatzintla ipan nopa atl tlen tlahuel huejcatla.

³¿Ajqueya huelis tlejcos ipan itepe TOTECO? ¿Ajqueya huelis itztos ipan itiopancal tlen tlatzejtzeloltic?

⁴Huelis itztose nepa san tlen quipiyaj ininma huan ininyolo tlapajpactic iixpa, pampa yajaya quintlapojpolhuijtoc inintlajtlacolhua. San yase nepa tlen ax quihueyichihuaj se tlaixcopincayotl huan tlen ax istlacatij quema quitestigojquetzaj TOTECO.

⁵Quena, quinmaquixtis TOTECO, huan quintiochihuas huan quiijtos para inijuanti itztoque cuali iixpa.

⁶Tlen queja nopa quitemohuaj Toteco Dios, huelise moquetzase iixpa huan quihueyichihuase Toteco Dios tlen Jacob huejcajquiya quitoquili.

⁷Ma motlapoca cuali nopa huejhueyi caltemitl tlen ipa eltoya huan nochipa eltos ipan altepetl Sion, pampa calaquiqui nopa hueyi tlanahuatijquetl tlen quinahuatía nochi tlaltepactli huan elhuicac.

⁸¿Ta tijmati ajqueya nopa hueyi tlanahuatijquetl tlen quinahuatía nochi elhuicactli huan tlaltepactli? Yajaya TOTECO tlen tlahuel tetic huan hueyi ichicahualis. Yajaya TOTECO tlen tlatlantinemi ipan nochi tlatehuijcayotl.

⁹Ma motlapoca cuali nopa caltemitl tlen ipa eltoya ipan altepetl Sion, huan calaquis nopa hueyi tlanahuatijquetl tlen quinahuatía nochi tlaltepactli huan elhuicactli.