Sam keil 6:1-7

¹Asuv houlu Deved mutisi Ahi Asuv, konavuroh kattei inau, konaseltei natal minau. Konatin kattei inau, konasantei mahien minau.

²Ahi Asuv, kisan enmahisien minau ven avek memerau. Kisan keihoen minau ven nasakras moumon etai tounah.

³Demvoen houlu en tinok. ?Ahi Asuv, kisan heite ten hisien onak nengeis?

⁴Konalei vinitei inau, Ahi Asuv; kikataunau veni enmahisien onom mariso.

⁵Meatin hesakras vandem katuk navong hemat. ?Isei kilea vamasmasuk navong mul tuai en avul?

⁶Namurang vini inau; en vongien vasi, simetok mul kas oulung mak, sakini memer vasi.

⁷Nasakras maleilei vatahos veni metok mutetep; namurang houlu veni meatin tatisa keil amul apurunau.