Pisalem 6:1-7

¹Meenei Dimaadua, Goe hudee hagawelewele mo di wou mai gi di au! Goe hudee hagaduadua ina au i lodo do hagawelewele!

²Meenei Dimaadua, aloho mai gi di au, au gu deai ogu mahi ai. Haga maaloo ina au, idimaa au gu bagege huoloo!

³Dogu huaidina hagatau la gu i lodo di haingadaa damanaiee. Meenei Dimaadua, Goe e tali gi waalooloo behee ga hagamaamaa laa au?

⁴Meenei Dimaadua, Goe dumaalia hanimoi hagamaamaa ina au. Haga dagaloaha ina au gi daha mo di made gi do dumaalia.

⁵I lodo tenua o digau mmade, tangada e langahia Goe ai. Deai tangada e hagaamu Goe i di gowaa deelaa ai.

⁶Au gu deai ogu mahi ai i dogu manawa gee huoloo. Nia boo huogodoo dogu moenge e tiu i dogu dangidangi, dogu ulungi gu uduhia i ogu dangi.

⁷Au gu deemee di mmada. Ogu golomada la gu haga hula i dogu dangidangi, dela ne hidi mai i ogu hagadaumee.