SALMOS 6:1-7

¹TOTECO, amo techajhua quema ticualani. Amo techtatzacuilti quema tahuel ticualantoc.

²Techtasojta, pampa nimococohua. TOTECO, techchicahua, pampa tahuel nechcocohua nochi notacayo.

³Nihuihuipica ica majmajti huan amo nijmati taya nijchihuas. Huan ta TOTECO, ¿hasta quema tihualas para techtananas?

⁴Xihuala, TOTECO, techmanahuiqui para amo nimiquis. Techmaquixti pampa tahuel techicnelía.

⁵Amo aqui cati mictoc huelis mitzelnamiquis. ¿Ajquiya huelis mitzhueyichihuas sinta mictoc huan ya quitalpachojtoque?

⁶Ya tanqui nofuerza ica choquisti. Sese tayohua nichoca miyac hasta nijtamixolonía notzonteto.

⁷Nichocatoc miyac hasta nechcocohua noixteyol huan ayecmo hueli nitachiya. Quena, nichoca quema nimoilhuía cati nocualancaitacahua nechchihuilijtoque.