Mboe 6:1-7

¹Mboe ki Dabit O Yooba, yaamba yo raama ketem malmal pepe. Mi sombe pazal yo, na kam raama lelem bayouŋana pepe.

²Yooba, nio mbesooŋo ku tau. Tana muŋai yo mi iurpe yo lak! Pa mburoŋ izzu, mi tiroŋ imukurkur lup.

³Mi iŋgi motoŋana biibi ikam yo ma aŋsaana kat. Yooba, zem yo pepe. Ŋiizi na mar uulu yo?

⁴Yooba, motom miili pio mi uulu yo. Pa nu toto sua ku mbukŋana, mi urur lelem pa wal ku. Tana muŋai yo mi tatke yo pa meeteŋana.

⁵Pa wal meeteŋan ta timbot sula Andewa na, tirao be matan iŋgalu mini som. Re. Kizin tasa ipakurkuru? Som.

⁶Nio aŋkaraŋeeze mete. Tabe ikam yo ma mburoŋ imap. Mbeŋ ta boozomen na, motoŋ luluunu ipawizis muriŋ. Kiliigi tio ibot pa motoŋ luluunu.

⁷Pataŋana ta ise tio i, koŋ koi bizin menmeen zin biibi pa. Tana aŋtaŋ biibi kat, mi motoŋ izarzar ma aŋre kat lele som.