SALMOS 97:2-7

²Zej nyechjle bejw, na' da' choḻ Ḻe'. Ḻo da' naken dot da' li, na' da' chawe' ẕnna bi'e.

³Ẕnežw yi' gan žeje' Ḻe', da' wzeyen benne' ka' bi ẕḻé'egekle' Ḻe' chawe'.

⁴Yes wzió' chie' ka' žsa'ní'gaken yežlyó. Yežlyó nga ẕḻe'elen, na' žẕon'.

⁵Želángak ya'a ka' ka china' bez ḻaw X̱anžon', ḻaw X̱angak benne' ka' nníta'gake' dot yežlyó nga.

⁶Ẕḻoe'e ḻaw ya'abá da' chawe' chie', na' benne' yógo'te yež ẕḻé'egekle' yeḻa' ẕen chie'.

⁷Yedoé'egekle benne' ka' ẕka'n ẕéngake' lo'a ka', benne' ka' ẕka'n ẕen kwíngake' ni'a chegak lo'a ka' chégake'. Yógo'te dios chegak benne' ka' wzóa ẕíbgaken ḻaw X̱anžo Dios.