Salmos 94:13-19

¹³chee̱ cueza zri lazre' gate za zra dxaca da cale̱la, ca zrin zra xelexú'u xe̱dxu ba benne' dxelune̱' da zrinnaj.

¹⁴Québequeze cueaj xichaj Xránadxu Dios bénneache chee̱', ne quebe gusán lazre̱' benne' ca' ba gucá'a Le̱'.

¹⁵Naca xrlátaje ca xuluchí'e̱ chee̱ bénneache, na' xelúnqueze da xrlátaje xúgute̱ benne' zaj naque̱' li lazre'.

¹⁶¿Núzraqueze gácale̱ neda' tíl-lale̱dxu benne' we̱n da cale̱la ca'? ¿Núzraqueze súale̱ neda' tíl-lale̱dxu benne' dxelune̱' da zrinnaj?

¹⁷Chela ca gúcale̱ Xránadxu neda', báchelja xu'a xe̱dxu ba.

¹⁸Gate gunnía': Xran, ba zua cheajcházia', na' Lue', dute̱ xel-la' zri'i lazre' chiu' gúcale̱nu' neda'.

¹⁹Gate dxe'a gunne xue, ne zua' lu da ste̱be, Lué'queze dxexúe zrenu' neda', na' dxebéle̱'e̱da'.