SALMOS 92:1-8

¹X̱anto' Dios, da' x̱tanḻe'e žoe ḻawto' Le', na' žoḻto' da' ẕka'n ẕenen Le', Dios ẕente.

²Nakḻe'e x̱tan ẕzenlto' benne' ka' zil-le kan žeyache' ḻáže'lo' neto', na' žel ẕḻoe'elto' nako' ḻi ḻaže'.

³Žoḻto' chegak da' ki, na' ẕchinnto' da' žóḻ-ḻento' dan' nwan' chi do, na' ẕgoḻto' da' ẕnneḻe'en x̱tando'.

⁴X̱ana' Dios, ni'a che da' žono' Le' žebéḻe'ela'. Ni'a che da' ben no'o nak chia' yeḻa' ba nez.

⁵Ẕenḻe'e nak da' beno', X̱ana' Dios, na' ẕenḻe'e nak da' ẕgo'o ḻo yichj ḻáẕda'wa' gona'.

⁶Batkle chejní'igekle benne' ḻaẕdo' zide ka', na' bi gak nnézgekle benne' nat ḻaže' ka' da' ni.

⁷Kate' ẕgólegak benne' ka' ẕbej yíchjgake' Dios kan ẕgole yix̱e', na' žežój chawe' da' žongak benne' wen da' ẕinnj ka', naken nich kwia yí'gake' to chi'ize.

⁸Le', X̱ana' Dios, nakkzo' Dios ẕente.