Womusu 92:1-8

¹Womu ɡe bɑ kuɑ tɔ̃ɔ wɛ̃rɑruɡirun sɔ̃. Ge wee.

²Yɑ rɑ n do bɑ n nun tɔmɑmɔ Yinni Gusunɔ, kpɑ bɑ n wunɛn yĩsiru bɛɛrɛ wɛ̃ɛmɔ, wunɛ Wɔrukoo,

³bɑ n wunɛn durom ɡɑri kpɑrɑmɔ bururu, kpɑ bɑ n wunɛn bɔrɔkinirun ɡɑri kpɑrɑmɔ wɔ̃kuru

⁴kɑ mɔrɔku kɑ ɡɔ̃ɔɡeru.

⁵Yinni Gusunɔ, ye ɑ kuɑ yɑ mɑn nuku dobu wɛ̃. Mɑ nɑ ye kpuro siɑrɑmɔ kɑ womusu.

⁶Yinni Gusunɔ, wunɛn sɔmɑ ye ɑ kuɑ yɑ kpɑ̃. Wunɛn bwisikunu nu duku.

⁷Gɑri bɔkɔ ɡɑ ǹ kpɛ̃ ɡu nu tubu, mɛyɑ nu ǹ mɑɑ kpɛ̃ nu nùn yeeri.

⁸Geemɑ, tɔn kɔ̃sobu bɑ seemɔ nɡe yɑkɑsu, mɑ nuku kɔ̃suruɡibu bɑ kpɑrɑmɔ nɡe dɑ̃ɑ. Kɑ mɛ, sɔ̃ɔ teeru bɑ koo bu kpeerɑsiɑ sere kɑ bɑɑdommɑɔ.