SALMOS 81:4-11

⁴Naken to da' žon byene gongak benne' Israel ka', dan' bchi'le Dios gongak ẕa'só Jakob ka'.

⁵Bzoen' ka to da' wḻoé'elen ẕa'só Jwsé ka' da' ben Dios katen' bžójgake' ḻo yežlyó Egipto, gan benla' to x̱tíža'gak benne' ka' da' bi bejni'ila'.

⁶Ẕnna Dios: “Beká'a ywa' da' bdá'gake' x̱kóže'lgak benne' chia' ka'. Beslá' benne' chia' ka' ḻo na'gak benne' ka' bkóngekle' ḻégake' žin.

⁷Ḻo da' wẕáka'le, bḻižle neda', na' gókḻena' ḻe'e. Becheba' chele gan wzóa' to ḻo bejw gasj katen' wnnéḻe'e wzió', na' wẕí' bi'a ḻe'e gan de bej nis da' nzin' Meriba.

⁸Le yenle, benne' chia' ka', na' wzejni'ila' ḻe'e, benne' Israel ka', cha' žaz ḻáže'le si'le da' ẕnnia'.

⁹Bi si' ḻo na'le dios ka' chegak benne' yež yobl ka'. Bi wzó ẕible ḻawgak dios ka' chegak benne' zi'to' ka'.

¹⁰Neda', Dios chele, naka' X̱anle. Bebeja' ḻe'e ḻo yežlyó Egipto. Le wsaljw žoa'ale, na' gonna' da' gawle,

¹¹san benne' chia' ka' bi béngake' da' wnnía'. Benne' Israel ka' bi wyáz ḻáže'gake' si' ḻo ná'gake' x̱tiža'a.