Kölfel 81:4-11

⁴Pun iei eu allük lon Israel, eu pwüüng seni än Jakop we Kot.

⁵Kot a anükücharala ei allük ngeni chon Israel, lupwen a feila pwe epwe maun ngeni Isip. Üa rongorong eu möngüngü üsamwo rong me mwan:

⁶“Üa angei seni afaremi ewe mettoch mi chou, üa atowu me lepöümi ewe chüük mi chou ren pilak.

⁷Oua köriei lon ämi riaföü, nge ngang üa angasakemi. Üa pälüenikemi seni ewe kuchuen chopulap, nge ousap künaei, üa sotunikemi arun ekewe kolukun Meripa.

⁸Ämi nei aramas, oupwe rongorong ngeni ai kapasen fön. Ämi chon Israel, amwo oupwe aüselingaei.

⁹Esap tufich pwe oupwe eäni eman kot än chon ekewe mwü, ousap fel ngeni eman koten ekis.

¹⁰Ngang ewe Samol mi Lapalap ämi we Kot, üa emwenikemiiwu seni ewe fanü Isip. Oupwe fokun amassaw, nge ngang üpwe amongökemi.

¹¹Nge nei aramas resap mochen aüselinga aloi, chon Israel resap mochen aleasochisiei.