SALMOS 78:57-63

⁵⁷Da yoble bží'igake' che Dios kan bengak x̱a x̱tó'gake' ka'. Gókgake' ka to yag ntóche'do' dan' bi zejen to wḻize.

⁵⁸Béngake' ga bže'e Ḻe' ḻen bkog ka' gan bka'n ẕéngake' lo'a ka', na' ni'a che lo'a chégake' ka' bžá'aḻe'e Dios.

⁵⁹Bža'a Dios kate' bḻe'ele' da' ki, na' bi bḻe'ele' benne' chie' ka' chawe', benne' Israel ka'.

⁶⁰Bsan ḻaže'e yo'o yid la'y chie' dan' wzóan yež Silo, yo'o yiden' gan wzoakze' Ḻe' ladjw benne' ka'.

⁶¹Bi'e latje bkwasgak benne' ka' bi bḻé'egekle' žo'o chawe' kaj la'y chien', dan' ẕḻoe'e ḻawn yeḻa' wak, na' yeḻa' ẕen chie'.

⁶²Bže'e benne' chie' ka', na' bdie' ḻégake' ḻo na'gak benne' ka' bétgake' zángake'.

⁶³X̱kwide' byo ka' chégake' gótgakbe' ḻo wdiḻe, na' bi bga'n no benne' byo kwide', benne' wchág ná'ḻenbe' no'le kwide' ka'.