Sòm 78:57-63

⁵⁷Yo pa kenbe pawòl yo. Yo vire do ba li tankou zansèt yo te fè. Yo pati sou move pye, yo mal derape.

⁵⁸Yo fè l' fache paske yo bati tanp pou lòt bondye yo, yo pòte l' fè jalouzi poutèt vye zidòl yo.

⁵⁹Bondye fache lè li wè sa. Se konsa li voye pèp Izrayèl la jete.

⁶⁰Li kite kay li te genyen Silo a, kote li t'ap viv pami moun sou latè a.

⁶¹Li kite lènmi yo pran Bwat Kontra a, ki te garanti pouvwa li ak fòs li nan mitan yo, li kite yo pote l' ale.

⁶²Li te fache nèt sou pèp li a, li kite lènmi touye yo nan lagè.

⁶³Jenn gason yo mouri nan dife. Jenn fi yo pa jwenn pesonn pou marye ak yo.