SALMOS 78:56-60

⁵⁶san da' yoble béngake' da' bi de chawe' Dios, na' bža'a Dios, Bennen' nape' dot yeḻa' ẕen. Bi béngake' da' bchi'le' ḻégake'.

⁵⁷Da yoble bží'igake' che Dios kan bengak x̱a x̱tó'gake' ka'. Gókgake' ka to yag ntóche'do' dan' bi zejen to wḻize.

⁵⁸Béngake' ga bže'e Ḻe' ḻen bkog ka' gan bka'n ẕéngake' lo'a ka', na' ni'a che lo'a chégake' ka' bžá'aḻe'e Dios.

⁵⁹Bža'a Dios kate' bḻe'ele' da' ki, na' bi bḻe'ele' benne' chie' ka' chawe', benne' Israel ka'.

⁶⁰Bsan ḻaže'e yo'o yid la'y chie' dan' wzóan yež Silo, yo'o yiden' gan wzoakze' Ḻe' ladjw benne' ka'.