SALMOS 77:7-17

⁷¿Bzoa X̱anžon' žo'o cheḻa'ale to chi'ize, na' biž gákḻene' žo'o?

⁸¿Batkle yeyache' ḻáže'le' žo'o? ¿Batkle gone' da' wchebe ḻaže'e gone'?

⁹¿Goḻ ḻáže'kze Dios yeyache' ḻáže'le' žo'o? ¿Ẕže'e žo'o nich biž yeyache' ḻáže'le' žo'o?

¹⁰Naž wnnía': ki žona' dan' yoa'a yižwé'. Che ḻen chejsá' ḻaža'a yógo'te da' ẕente da' ben Dios ẕente ḻo yiz ka' ba wdégaken.

¹¹Chejsá' ḻaža'a da' ẕente ka' da' beno' Le', Jah. O', chejsá' ḻaža'a da' beno' ža ni'te, da' ka' žóngaken ga žebanlto'.

¹²Wláb ḻaža'a ka nak yógo'te da' beno', na' wchaḻja' ka zej nak da' ka'.

¹³Dios, la'y nak da' ẕchi'lo' neto' gonto'. ¿Zoa yetó Dios nake' benne' ẕen ka nako' Le'?

¹⁴Le' nako' Dios, ẕnno' da' žonen ga žebanlto'. Bḻoe'elo' yógo'te benne' yežlyó nakḻe'e ẕen yeḻa' wak chio'.

¹⁵Ḻen yeḻa' wak chio' beya'wo' benne' chio' ka', ẕa'só Jakob ka', na' ẕa'só José ka'.

¹⁶Yegw nis ka' bḻé'egeklen Le', Dios. Bḻé'egekle yegw nis ka' Le', na' bžébeḻe'egaken. Ḻezka' wžé' zédgekle nisdo' gže' ka'.

¹⁷Nis yejw zil bžojen ḻo bejw gasj ka', na' wnneḻe'e wzió', na' wyasḻe'e yes wzión'.