SAM 77:7-17

⁷Asikaya Buyambam tapata masa asinggan ba namik? Ba asikaya nae apmea take dua ba natangamik?

⁸Gatu nae butaya tupa natangamukut taknga apmanu dua ba natangamik? Wamu yawan kekekakut taknga gwamba pimakut, ba dasing?

⁹Asikaya Anutu ninde gwa ba botakutde musip kwikwiu dua natanimik? Ba kaanga akngata ba musip kwikwik kaknga umukut?

¹⁰Sike meya waakngae natake nata anzing natapbum, Asikaya Anutu enane siknga yuak kapata natapan siwan apba napmakut. Unzingge na sanga waakngae natake iniwit.

¹¹Apmanu Anututa puya buyambam taknga aknga pasikutde gatu natapit. Ngan, nata sanga buyambam inata inata tupa pasikuyakge gatuna natatakuuwit.

¹²Nata sangabamu pasikuyakge natapasiwit. Gata puya kekeknga pasikuyak, ge nata iatdeat kuut natapit.

¹³Anutu, gatane yuyukga take siwan noman gan siknga. Sike anutu pupuknga tapatuat gaat ina unzakan dua. Gata anutu pupuknga waakwau asiknga yapbikuyak.

¹⁴Anutu, ga awia apatakan, sanga duya takngatu takngatu pasinggayak. Sike gata kekekngaka buyambam taknga aminu kepna kepna yukingu kuupbamde yeuyamunggayak.

¹⁵Gikane kekeknga waakngane amindabamu gatuka pakuyak. Sike wa pakuyau Jekopat gatu Josepatdane bapuna masan aakingunin pakuyak.

¹⁶Anutu, tupa yangga anga anga ganduke akgwauking. Gwauke yanggabam gwenu miamun sitakukut. Ngan, keu yanggabam amakatangu kutakngi komune yuaingu saasitakukut.

¹⁷Sike sopa enandangga buyambam siknga taawan gakngat gwekaa buyambam siknga kaapmapa yakut. Yaawan yapasik kaa kuwan apan kuupbam sikut.