6Dios chee̱ benne' Israel ca', gate gudil-lu' benne' ca', guláse dinnaj bzrina' ca', ne benne' gulebíe̱'-ba'.
7Nacu' Lue' Benne' zrébedxu. ¿Nu benne' gaca se̱' lau Lue' gate dxezra'u?
8Xabáate̱ gunná'u, na' guchi'u chee̱ bénneache. Dxelezrebe bénneache lu xe̱zr la xu, na' dxelebeze̱'
9zra seu' Lue', Dios, chee̱ guchi'u chee̱ bénneache, ne chee̱ guseláu' xúgute̱ benne' dxexruj lazre' zaj zre̱'e̱ lu xe̱zr la xu.
10Da líqueze xel-la' dxelezrá'a chee̱ bénneache gaca na tu da gucá'ana szren na Lue'. Guzúa zriu' xel-la' dxelezrá'a chee̱ bénneache zaj nagá'ane̱'.
11Le che̱be lázrele da gunle chee̱ Dios, na' le gun da na' chee̱ Xránadxu, Dios chee̱le. Xúgute̱ benne' zaj zre̱'e̱ du gabi'ila xelelé̱'e̱, na' xulunézruje̱' da zaj nu'e̱ chee̱ Dios, Bénnea' dxezrébedxu.