Iba Gana 76:6-11

⁶Yagabanaga Ngode Datagaliwabe-o í̠na tihondo bi hongo howa larigola tinaga nogo hosibi agali nogo hosini berearubi ti bibahende homai halu tingini dindini wima piyiya.

⁷Anigo Ngode Datagaliwabe-o ina bibahende í̠hondo giore haga bu kamaruni ndobe. Í̠ keba ho kegola mbirali ai ibugua í̠naga deni íbu holobadabe. Mbirali naholebira ndobe.

⁸Í̠ dahuliya andagaha howa wali agali ko birimi lalu latagi harigola ti bibahendeore hearume gi timbuni howa bi nale ema nabi haya.

⁹Horo ogoningi wali agali marume mo ko hene hearu í̠na biamogo bule heyu hariya.

¹⁰Agali keba timbuni haragome wali agali maru karu tigua í̠naga mini mo yaraga helo haga. Agali waiha homa nabi karume í̠ mitangi bialu lotu lolene ngadagua lalu holebira.

¹¹Tígua Anduane Homogo tínaga Ngode Datagaliwabehondo mbirale mbira mule lalu lo wirimidagua ibuhondo miaore bilimu. Wali agali tara tara dindi kawareni kamiru tíguabi ibuhondo mbiraleru turu halu milimu. Ngode Datagaliwabehanda wali agali ibuhondo gi helo mo gi haga ka.