SALMOS 76:4-11

⁴¡Benne' ẕenḻe'e nako' Le'! ¡Nako' waḻže ka ya'a ẕen ka'!

⁵Chejchégwgak benne' waḻe ka', na' gásḻasgake'. Nitó benne' waḻe bi yechís ne'e nich tíḻ-ḻene' Le'.

⁶Dios chegak benne' Israel ka', kate' wtiḻo' benne' ka' besḻaso' ḻégake', na' bia ka' žíagake'.

⁷Le' nako' Bennen' žaḻa' žébežo. ¿Noẕ benne' gak sie' ḻawo' Le' kate' ẕžo'o?

⁸Wnnó' wchi'a ḻažo'o benne' ka' ne zo' ya'abá. Ẕžébegak benne' ka' ḻo yežlyó, dan' ẕbézgake'

⁹ža so žo'o Le', Dios, nich wchi'a ḻažo'o benách ka', na' nich yesló' yógo'te benne' gax̱jw ḻaže' ka'.

¹⁰Da' likze yeḻa' ẕža'a chegak benne' ka' gaken to da' gon ga ga'n ẕeno' Le'. Wlék žio' yeḻa' ẕža'a chegak benne' ka' zej nga'ne'.

¹¹Le wchebe ḻaže' da' gonnle che Dios, na' le wneẕjwn' che X̱anžon', Dios chele. Benne' ka' nníta'gake' do ẕente ḻá'gake' zej noe'e da' wnéẕjwgake' che Dios, Bennen' ẕžébežo.