GWAY GI IDAWUU’D 76:4-11

⁴Monyca ta jim pini mo, dhali mo jin eḵu mmobol dhan wosha turga/ e kun ’kon ki sule/ sule/ mo.

⁵’Kwani kun ’kon ma du ki dhethadhe’th mo tani uni dilkunu tom buni kun dilina uni mo. Uni cic̱kin e mo jin ishu e mo. Aris ’kwani gi mo/as mo tani uni mol me’d buni bu’th mmomii to mo.

⁶E mo ma ḵucur pini mo ayy Arumgimis ma Yakuub mo tani a’di jin mer shumaruma p̱o/ mo dhali shumarum mo uni su/ miikina buye/ ka yiŋkira/ mo.

⁷Hili /e, /e tana pure/ mo. Kaja a’di imidi mish doshi bwambori /e mo me’d jin min ma nyor pini ’tulu/ ka pije/ mo?

⁸’Peni momis mo tani /e ki bah gwo gom gwon dwall jin toru ’twa/a ’cesh mo. Mony’cesh ḵo/ki is mo dhali dosh shoka ’cesh mo

⁹ka Arumgimis cuki mis mo dhali ṯel gwon dwall piti jin toru ’twa/a ’cesh mo mmota ris ’kwani gwansan is ki me’d mo kun ’cwarkunu e mony’cesh mo. Doshi ma dhali ’cunycuri yan mo.

¹⁰Ka jiŋ gana/ anyor gi ’kwani midi maŋ /e mo. Dhali anyor jin boc̱ki’d mina /e non ’twa/ ’pena p̱o/ /e mo.

¹¹Oyi um gwo is e Tap̱a Arumgimis bum mo dhali thimi uni mo. Dhalki aris uni ’baar mo kun ’kam a’di is mo tani ’doyu to kun c̱inu ki me’d mo e a’di jin minu mii ḵo/ mo